SAGRADONG AKLAT AT ANG KAPANGYARIHAN NG PAG-DIDIVINO (GREAT WHITE DIVINO FELLOWSHIP) Part 3

Brod Nest

SAGRADONG AKLAT AT ANG KAPANGYARIHAN NG PAG-DIDIVINO
(GREAT WHITE DIVINO FELLOWSHIP)

Part 3

Ang lumalagong kalakaran na makikita sa ating komunidad kung saan bata man o matanda ay nagkakaroon ng hirap sa pagpopokus. Sa kadahilanang tayo ay hindi naman talaga naturuan ng maayos kung paano ito gawin; kung paanong kusang makapagpokus gamit ang orasyon. Ito rin ang resulta ng pagbibigay sa atin ng madaling inpormasyon kung saan ito ay hindi na natin pinaghihirapang kuhanin at hindi na natin kelangan pa magpakahirap para tuklasin ang mga bagay bagay gamit an ating sariling kakayahan. Karamihan sa atin ay hindi nakaranas kung paano isagawa ang totoong konsentrasyon o ang pagsisikap na kailangan para masundan ang isang particular na linya ng karunungan o ang pagkakaroon ng isang sistematikong pagoobserba, gaya ng isang siyentipikong pagsasaliksik. Tila ang ating atensyon ay pamali mali. Ang mga instrumento sa panahong ito gaya ng telebisyon at computer ay nagiging dahilan para makamit ng mga gumagawa nito ang layunin nila na ang ating atensyon ay mabilis na mapukaw ng mga gamit na ito, madalas na nakukuha ng mga gumagawa nito ang gusto nilang mangyari sa mga tumatangkilik nito kung kaya’t hindi na natin napapansin na ang sarili nating layunin ay natatabunan o napapalitan na ng layunin ng mga nagsusuply nito. Habang tayo ay mas dumedepende sa mga gamit na ito, ang ating kahinaan sa pagpopokus ay lalong lumalala. Ang pagiging pokus ay kinasasangkutan ng iyong atensyon at konsentrasyon, ito ay tumutulong upang ikaw ay magkaroon ng kontrol sa iyong sarili, magkaroon ng kapangyarihang idireksyon ang iyong buhay at emosyon, kaysa ikaw ay maguluhan o magkaroon ng maling ilusyon tungkol sa iyong buhay. Ang susi, ay ang piliin mo ang mga bagay na gusto mong ipokus kaysa hayaang iba ang magdesisyon para sa iyo. Sa ibang salita, dapat tayong magkaroon ng pokus sa ating buhay.

Dalawang uri ng pokus

May dalawang uri ng pokus: nagkataon at intensyonal. Ang pokus na nagkataon lamang ay maaring magkaroon ng positibo at negatibong resulta, sa dakong huli ito ay sanhi ng magandang kapalaran. Sa kabilang banda, ang intensyonal na pagpopokus, kung magagamit ng tama, ay humahantong lamang sa mabuting resulta. Ito ay sinasadya, tantiyado, mahusay na pagamit sa ating isipan, katawang laman at espirito. Ito ay masasabing isang teknik.

Ikaw ay gumagamit ng intensyonal na pagpopokus kung ikaw ay kusa, aktibo, at may layunin sa pagpopokus; ang bawat parte ng iyong pagkatao ay nakikisama dito at ito ay tumpak ang tono sa isang paksa na iyong pinili para ipokus. Ang mga kakayahang makukuha mo gamit ang intensyonal na pagpopokus ay nakadepende sa pagamit mo ng kapangyarihan ng mas mataas na antas ng iyong sarili, ang mataas na antas ng kamalayan. Ito ay isang matalinong pagamit ng bawat cell ng ating isip at katawan, habang kinakalabit rin nito ang ating puso at kaluluwa. Ginagamit rin nito ang iba pang kakaibang enerhiya na bumubuo sa ating pagkatao. Sinasabi ng mga sina unang mga masters na ang mga kakaibang enerhiya mula sa ating katawan, gaya ng emosyon, ay nagpapakita ng kani-kaniyang partikular na kalidad na nagiging sariling lakas. Ito ang kapangyarihang magpokus sa pinakamagaling na paraan. Kung magagamit mo ito ng tama, ang iyong abilidad na makalikha ng magagandang resulta ay mas lumalakas nang hindi nakakaranas ng sobrang tensyon at hirap.

Marami sa atin ang nakakaranas ng intensyonal na pokus sa ilang okasyon, gaya ng pagkuha ng isang pagsusulit o ang pagtapos ng isang gawain upang umabot sa araw ng pagpapasa nito. Upang makuha ang resulta at tagumpay na gusto natin, ang pagpili sa intensyonal na pagpopokus ay isang mahusay na paraan para makamit ito. Ngunit ang gumagamit nito ay dapat isagawa ito ng may pag-iingat at layunin. Ang pokus na nagkataon lamang ay maaring mangyari kapag tayo ay napipilitang magkaroon ng konsentrasyon sa isang bagay, gaya ng isang sitwasyon na may kinalaman sa panganib sa buhay, kung saan ang buo nating atensyon ay nagpopokus. Kung ano ang ating pinopokus ay kung anong siyang pinili para sa atin, minsan ay ipinilit lang sa atin. Wala tayong pagpipilian o kontrol laban dito. Halimbawa na, ang isang babae na tumatakbo sa loob ng isang bahay kahit ito ay nasusunog para iligtas ang kaniyang anak, bagama’t kahit na isang propesyonal na bumbero ay hindi papasok sa isang gusaling gaya nito, ang babaeng ito ay sinasabing hindi nagkaroon ng pagsasanay upang gamitin ang panlabas niyang enerhiya upang protektahan at mabantayan ang kaniyang sarili laban sa pagkasunog, tinatawag itong Wei Chi ng mga Intsik. Paano nya tinawag ang enerhiyang ito para iligtas ang anak niya at kaniyang sarili? Siya ba ay sobrang pokus, bagama’t ito’y nagkataon lamang – upang iligtas ang buhay ng kaniyang anak at ang mataas na antas ng kaniyang sarili ang buong pumoprotekta at gumagabay sa kanya?

May mga pagkakataon din na ang ibang enerhiya at pwersa ay tila nakakapekto o nakakapagpalakas ng ating pokus. Tayo ay naninirahan sa mundong kakatwa at mga pangyayaring hindi maipaliwanag ng medisina na tila ito ay kahima-himala, gayunman ang sinaunang mga ritwal, kaugalian at kamalayan ay binabalewala. Ang ilan sa mga pangyayaring ito ay ang resulta ng pagamit ng mga tao ng kanilang intensyonal na pokus at kakayahan. Ang iba naman ay dahil sa kapangyarihang lumilitaw na wala na sa ating kontrol, gayunman ito ay makakaya nating kontrolin kapag natutunan natin kung paano.

Ang pagpopokus ay isang prosesong pinag-aaralan, ito ay hindi namamanang talento. Tayo ay pinanganak na may kusang abilidad upang magbigay ng atensyon, kung kaya’t inaasahan nating madaling lumipat mula sa mahinang kapangyarihang pagpopokus patungo sa mas malakas na kakayahan at makapangyarihang pagpopokus. Ngunit hindi ito ang laging kaso. Habang ako ay naniniwala na lahat tayo ay may kagustuhang makamit ito, sa kabilang banda, karamihan sa mga indibidwal ay may natutulog na kagustuhang matutunan ito, ang iba naman ay hindi pa ito natatanto.

Isipin mo na lang kung anong maaring mangyari sa sandaling hindi ka nakapokus. Ang isipan mo ay maglalakbay, maari kang mawala sa sarili, at hindi ka magkakaroon ng sapat na oras para isipin ang iyong tungkulin at mga pagsubok. At kapag ito ay nangyari, maaring ikaw ay magkaroon ng isang hindi makatwirang konklusyon. Ikaw ay matatangay paloob at palabas mula sa tinatahak ng iyong isipan, kadalasang mapupunta ang iyong diwa sa ibang mga bagay o aktibidad na walang kinalaman sa iyong layunin. Ang maaring kahinatnan nito ay ang pagkabahala o maging pagkabigo.

Ang intensyonal na pagpopokus ay isang sinasadya, kusa, at kagustuhang gawin ng may pagkakaisa ng iyong isipan, katawan at kasama ng kakaibang enerhiya mula sa iyong sarili. Ito ay maaring makatulong na makamit ng isang tao ang isang gampanin na halos imposibleng gawin. Ang mga indibidwal na may pagsasanay dito ay nakagamit na ng isang ispesyal na meditasyon at iba pang teknik upang mapokus nila ang kanilang isipan upang pabagalin o pabilisin ang tibok ng kanilang puso sa pamamagitan ng sarili nilang pagkontrol dito. Ang iba naman ay paulit-ulit na umuupo sa niyebe ng walang anumang kasuotan at tinutunaw ito ng wala man lang masamang epekto sa kanilang katawan. Ang ibang nagsasanay ng martial arts ay nakakawasak ng matitigas at maraming kahoy, yelo, konkreto at kahit bato gamit lamang ang kanilang katawan. Bakit may mga taong nakakagawa ng ganitong mga bagay ng hindi man lang nasasaktan ang kanilang mga sarili? Ang sigurado ay ang kapangyarihan ng espirito ng tao ay maari lamang tukuyin bilang ‘superhuman’ o ‘supernatural’. Ito nga ba ang maari nating itawag dito? Ang salitang supernatural ay ang simpleng bihasang pagamit ang natural na pwersa. Makakamit ito sa pamamagitan ng paggamit ng intensyonal na pagpopokus at ang superfocus, ito ang pinakamagandang kaalaman upang masimulan mong magamit ang superfocusing. Kapag natutunan mo ito, makakaya mo, magagawa mo ang mga bagay na sa tingin ng iba ay imposible.
Kaya nakakagamot ang sispiritwal na manggagamot alam niyang gamitin ang ganitong kapangyarihan kasama ang kapangyarihan ng mga orasyon.

Tumingin naman tayo ngayon sa mga pang pagulo ng isipan at ang kakayahang labanan ito, ang dalawang aspeto na ito ang magpapagana sa superfocusing. Tulad ng isang ispiritwal na mangagamot pag kulang sa pag pokus kulang sa pananampalataya kulang sa orasyon maaari ring mabigo sa panggagamot lalo na kung mahina ang kaniyang enerhiya maaari siyang mabalikan ng kalaban o kaya ma contaminate ng negatibong enerhiya ng mga sakit.

Kabanata 2
Ang pagkakagulo ng Yin at Yang

Ang mga pangpagulo o pangpalito ay isang natural na pangyayari, ngunit dapat nating maintindihan ang katangian nito upang matanggap natin at makapagtrabaho tayo kasama ng mga ito, kaysa hayaan natin ang ating sarili na maapektohan dahil dito. Sa pagsasagawa nito, makakaangkop tayo laban sa mga pangpalito o maari din na tayo ay hindi na matablan kaagad agad ng mga bagay na ito. Kung may isang bagay na makakasira sa iyo, sisirain ka nga nito, maasahan mong mangyayari, sa ilang pangyayari napakaliit lang ng magagawa natin para dito. Sa iba maari itong mapigilan kung matatangap natin na ang mga pangpagulo sa ating buhay ay natural, kinakailangan at isa itong panimulang bahagi ng pagpopokus. Ang mga dahilan kung bakit nangyayari ang mga ito ay matatagpuan sa pag-aaral tungkol sa Yin at Yang.

Ang Yin at Yang ay sumisimbolo sa paraan ng pag-iisip at pamumuhay, isang teorya na nagpapaliwanag kung paanong ang mga bagay ay gumagana nang may kaugnayan sa sa isa’t isa at sa buong daigdig. Ang Yin at Yang ay magkakontra at kabaligtaran. Sa loob nito, ang Yin at Yang ay nagtataglay ng posibilidad na magkaroon ng pagsalungat at pagbabago. Ang third law of motion ni Sir Isaac Newton na nagsasabing “For every action there is an equal and opposite reaction” ay isang pagpapahayag na galing sa sinaunang pilosopiya ng mga Intsik.

Ang Yin at Yang ay sinaunang konsepto na galing sa mga Taoist, na siyang naging pinakapundasyon ng paraan ng pamumuhay ng mga Intsik. Lumaganap ito sa kanilang sining, literatura, pilosopiya at medisina. Maging ang astronomiya, geograpiya at aritmitik ay dumedepende dito. Ang Yin at Yang ay nagbibigay ng isang natural na prinsipyo na magagamit natin para maintindihan kung paano ang mga bagay ay nakakaimpluwensya sa ating mga katawan at ang iba’t ibang paraan kung paano natin naiimpluwensyahan ang ating kapaligiran. Ang konseptong ito ay kapos sa mga taga kanluran, hinihiwalay nila ang pagiging tao mula sa kanilang kalikasan, isipan, at mga bagay na nakapaligid sa kanila, imbes na makipag kasundo sa mga bagay na magkakontra, magkaka-ugnay, at ang pinag-isang dalawang katangian ng Yin at Yang.

Ang Yin ay kumakatawan sa negatibo, babae, lamig, pahinga, walang kibo, madilim, panloob, pababa o papabawas. Ang Yang ay kumakatawan sa positibo, lalake, init, pampapasigla, pagalaw, aktibidad, pagkasabik, kalakasan, panlabas o papadami. Sa natural na seryeng ito, ang isa ay laging yumayabong sa kaniyang pinaka sagad at nagsisimulang magpalit anyo. Habang mayroon palaging katangian ang isa na makikita rin sa isa, ang isang mahalagang aspeto ng pilosopiyang ito ay ang mayroon sa kundisyon ng Yang, ang katumbas ng estado ng Yin ay ang kabaliktaran ng Yang. Isang halimbawa ay ang isang positibong pwersa ng Yang ay nagbibigay ng swerte sa iyo, ang katumbas na pwersa ng Yin ay maaring alisin ang swerteng ito. Ang konsepto ay maaring ihantulad sa kasabihang “kung ano ang tumaas ay nararapat bumaba”.

Kaya, mula sa konsepto ng Yin at Yang maari nating maiwasan ang kawalang pag-asa at sakit ng ulo dahil sa mga hadlang, at tanggapin na kung mangyari man ang mga ito, ito ay tunay na kinakailangan at isang natural na pangyayari na importante upang tayo ay manatili sa mundo. Ang pagtanggap sa konseptong ito bilang isang panimula at hindi maiiwasang parte ng ating buhay ay maghahatid sa atin sa panloob na katahimikan at pagiging kontento. Ika nga kasama sa ating buhay ang problema ang mahalaga ay magkaroon ng pokus para ma solusionan ang problema.

Ang pagdirekta ng ating atensyon patungo sa impormasyong gusto natin ay makakatulong upang ating masala ang mga impormasyong hindi kinakailangan. Ang ating isipan ay dapat mamili ng mga may kaugnayang mensahe at huwag pansinin ang mga walang kaugnayan. Halimbawa, ang isang taong nagbabasa ng aklat upang marelax habang nagbabiyahe sakay ng isang tren. Ang ingay mula sa riles ng tren habang umaandar o ang mga taong nag-uusap ay hindi nakakaabala sa taong nagbabasa ng libro. Ang gulo sa paligid ay hindi makabuluhan dahil ang pagbabasa ay ginagamit nya para sa kanyang kaluguran. Kahit na siya ay abalahin, kayang bumalik ng magkakadugtog niyang isipan ng mabilis at madali. Ngunit kung siya ay nagbabasa para mag-aral o nagbabasa ng isang teknikal na libro na nangangailangan ng mas maraming konsentrasyon, siya ay kailangan magbigay ng mas mataas na lebel ng konsentrasyon o magpakita ng galing lumusot mula sa mga pangpagulo at kung siya ay nagbabasa para sa isang pagsusulit dapat gawin nya itong parehas. Ang mga pang-abala ay maaring magdulot ng pagkainis, hindi lang sila nakakasagabal, nakakapigil at nakakasira din ito ng konsentrasyon, ang paglaban dito ay maaring magdulot ng tensyon sa ating mga muscle, hirap sa ating pisikal na katawan at sa ating emosyon. Ang mga panggambala at mga hadlang ay nagbibigay ng pinsala sa ating pagkatao at humahantong sa hindi magaling na pagganap at pagiging produktibo.

Ang paulit-ulit, simple, at mga trabahong ginagamitan ng makina ay mga gawaing hindi madaling tablan ng mga pang-abala kumpara sa mga gawaing mas mahirap na mas nangangailangan ng mas higit na talino at memorya.

Gayunman, may mga nakakatanda na madaling maabala, at siyempre mas malamang sa kaso ng mga bata. Ang kababawan ng atensyon ay makikita natin sa mga bata ngaun ay lubhang nakakaalarma. Ito ay tunay na problema para sa mga bata ngayon, sila ay hindi madaling sumunod at magsikap. Ang pagiging abala ng modernong pamumuhay, ang sobrang panonood ng telebisyon, at ang pagkain ng mga pagkaing madaling lutuin na mataas ang nilalamang taba na hindi nakakapag bigay ng sustansiya sa kanilang katawan, lahat ng ito ay may kinalaman kung bakit ganito ang mga bata ngayon.

Ang isang paraan para harapin ang mga problemang ito ay ang matutong tumingin sa panlabas at pangloob na sanhi nito. Ang mga panlabas na sanhi nito ay maaring aksiyonan sa pamamagitan ng pagawa ng isang kapaligiran na nakakabawas ng mga nakakaabala. Ang mga panloob naman na nagiging sanhi nito ay maaring kontrolin sa pamamagitan ng pagpapakalma sa ating mga sarili at pagiging relax ng ating isipan hanggat maari. Kapag nagawa ang mga ito, maari na natin simulang isipin kung ano ang isyu, pakiputin ito hanggang ito ay maging tiyak, gamitin ang konsentrasyon at pokus.

Gayunman, ang susi upang pakitunguhan ang mga nakakagambala ay ang hanapin ang dahilan kung bakit nga ba tayo naiistorbo ng mga ito.

Mga dahilan ng pagkaabala

May iba’t ibang dahilan na magdadala sa atin sa pagkaabala mula sa ating pagpopokus. May mga taong madaling mawalan ng pokus o mawala na ng tuluyan sa pinopokus. Ito ay maaring sanhi ng kanilang sariling panloob na iniintindi, kawalan ng alam kung paano magpokus, kakulangan ng kagustuhang magpokus o sadya lamang tamad gawin ito. Mawawala tayo mula sa ating konsentrasyon dahil sa panghihimasok ng mga bagay na kinakailangang paglipatan natin ang ating pokus, gaya ng miyembro ng pamilya, radyo, musika, tumutunog na telepono o mga taong nagbibigay ng problema sa atin. Alalahanin ang prinsipyo ng Yin at Yang, ang lahat din ng mga sanhing ito ay may positibong panig at maaring maging kapaki-pakinabang para sa ating kapakanan.

Ang pagbabago ng pokus

Ang isang karaniwang sanhi ng pagbabago ng pokus ay kapag ang ating layunin ay nagbago.

Sinasadyang paglihis ng atensyon

Maari nating sadyaing ilihis ang ating atensyon kapag boluntaryo nating inalis ang ating atensyon sa isang gawain o bagay at ilipat ito sa iba. Ang teknik na ito ay partikular na kapakipakinabang para sa pagagamot ng sarili, kapag inilipat natin ang ating kamalayang mula sa kalagayang may karamdaman patungo sa makabagong estado ng kalusugan at sigla. Sa kaso ng isang sakit o karamdaman, makakakuha tayo ng ginhawa sa pamamagitan ng paglilipat ng ating atensyon mula sa kinalalagyan ng sakit o karamdaman mula sa ating katawan at ang paglilipat nito patungo sa ibang lugar. May mga sandaling ang isang santuaryo na walang karamdaman at sakit ay nagagawa rin sa pamamagitan ng ating isipan upang magbigay sa ating ng pang-araw araw na ginhawa mula sa paghihirap. Ang resultang ito ay makakamit sa pamamagitan ng iba’t ibang uri ng meditasyon at mga ehersisyo para sa ating isipan.

Ang paghahati-hati ng atensyon sa pagitan ng magkakasabay na trabaho

Para mapanatili ang lebel ng pagiging produktibo, ang isang supervisor o manager ng isang team ay nangangailangang harapin din at kumpletuhen ang personal niyang trabaho habang patuloy na nagbibigay atensyon sa lahat ng kaniyang nasasakupan. Habang ang kaniyang atensyon ay tuloy tuloy na nahahati, maari bumaba ang kaniyang husay sa pangangasiwa o sa pagkukumpleto ng kaniyang sariling trabaho. At kapag may lumitaw na problema kung saan kailangang ibuhos nya ang kaniyang buong atensyon upang solusyonan ang partikular na problema, maaring hindi niya mamalayang na napapabayaan na nya ang kaniyang nasasakupan at hindi na ito nabibigayan ng atensyon. Ang mahusay na konsentrasyon at kakayahan sa mahusay na pagpopokus ay makakatulong sa kaniya upang bigyan lahat ng atensyon ng sabay sabay ang bawat problema sa isang situwasyong nangangailangan nito.

Ang iba pang nakakagambala sa atin ay ang ingay o tunog maari itong makapagdulot ng benepisyo o magandang epekto sa ilang tao. Gayunpaman, depende ito sa tunog. Kapag ang isang estudyante ay nagandahan sa isang musika habang siya ay nag-aaral maari itong maging sanhi ng abala. Sa kabilang banda, isang mananalisik mula sa Bulgaria na si Dr. Georgia Lozanov, ang pinagmulan ng “accelerated learning method” ay natuklasang ang musika na galing sa panahon ng Baroque, ay isang musika na banayad pinapatugtog ito habang nag-aaral at ito ay makakatulong para sa mas pag-unlad ng kaalaman.

Ang isang malakas na tugtog o ingay naman ay makakatulong sa paggawa ng madadaling trabaho, ngunit makakabawas sa mahusay na pagawa ng isang mas mahirap na trabaho. Ang mahabang pagkakalantad sa ingay ay makakaapekto sa pagganap ng tungkulin. Halimbawa na sa isang stadium na puno ng mga tagahanga ng mga manlalaro ng football, maaring ang ingay ng mga tagahanga ay magbigay ng sigla at lakas sa isang football player. Gayunman, kung ang isang manlalaro ay nakakaranas ng hirap a paglalaro nito, maaring makapagdulot ito ng pressure at mas maging mahirap para sa kanya ang tungkulin nya, maaring makapinsala ang malakas na ingay sa kanyang paganap. Ito rin ay magandang halimbawa upang ipakita na ang ugali ng tao ay maaring makagawa ng mga bagay na makakagulo sa kanya imbes na makatulong, kung alam mo ang tamang teknik at tamang balangkas ng isipan ang mga nakakagambala sa iba ay maaring makatulong pa sa iyo.

Ang bawat tao ay may kanyang kanyang pagtingin sa kanyang kapaligiran kapag sila ay nagrerelax o nagpopokus. Ang iba ay nakakapag-aral kahit pa may napakalakas na musika silang naririnig, ang mga nagtatakbuhang miyembro ng pamilya sa loob ng bahay, at ang humahampas na pintuan dahil sa ihip ng hangin. Sinasabi nilang kaya nilang panatilihin ang pokus nila sa kung ano ang ginagawa nila. Ang iba naman ay gusto ng madilim na kwarto, walang musika, at kumpletong katahimikan, kung hindi sila ay hindi makakapagpokus. Ito ay tungkol sa paghahanap ng kapaligiran na magbibigay sayo ng pinakapositibong karanasan.

Emosyon, isipan, pangdama

Ang kaugalian natin sa mga bagay na nakakagambala o nakakaabala ay ang basehan kung tayo ba ay maiistorbo o maiinis dahil sa mga ito. Halimbawa, kung tayo ay nagkakaroon ng reaksyon sa mga bagay na nakakagambala sa labas gaya ng mga taong malalakas mag-usap sa isa’t isa, kapag tayo ay magagalit, ang galit na ito ay mas nakakaistorbo at nakakasira sa ating pagawa ng trabaho kaysa sa mismong nakakaabala sa atin.

Pansinin ninyo ang mga taong may maiksing atensyon sa eskwelahan, sa meetings o sa unibersidad. Sa unibersidad, habang may nagtuturo ng isang aralin, may mga estudyanteng umuupo sa harapan at nakikinig, mayroon din sa likod umuupo at nagpapalipad ng papel na eroplano, kinakausap at ginagambala ang ibang tao. Kapag dumating ang araw ng pagsusulit sila rin ang mga tao na natataranta, walang alam sa kung ano ang gagawin at karaniwang nanggugulo pa ng ibang estudyante para lang huminge ng tulong. Ang mga estudyanteng ganito ay may iba’t ibang rason kung bakit sila nagiging hangal sa klase, hindi karaniwang dahilan ang kawalan ng interest sa isang paksa, dahil kung wala silang interest dito hindi na dapat sila pumasok pa. Ang sanhi ng kanilang pagkaabala ay dapat matukoy dahil maaring ang sanhi nito ay sobrang pagod, pagkainip, gutom, kawalan ng kakayahang magkaroon ng konsentrasyon o dahil ng sila ay bata pa halos binibigay ang lahat sa kanila ng walang kahirap hirap.

Kahit na ang pagkakaroon ng distraksyon ay nakakasira sa mahusay na paganap, ang taong nagtratrabaho ng sobra ay maaring tignan ang pagkakaroon ng abala bilang oportunidad para makapagpahinga at magrecharge ng ilang minute. Sa sandaling ito maaring huminga ng malalim, banatin ang mga kasukasuan, at maglagay muli ng enerhiya upang muling sumigla.

Dalawang kasong pinag-aralan

Ang pagiging madaling magambala, ang pagranas ng kahinaan sa lakas ng ating konsentrasyon at ang paghina ng tindi o ang buong kakulangan ng konsentrasyon ay dahil sa karamdaman, pagod, pagkabagot o kawalan ng interest. Halimbawa ay kung nawala ang ating konsentrasyon at naibagsak natin ang ating mga pagsusulit, ang ating kabuuang pokus ay maaring hindi masyadong naapektohan dahil alam natin na maari nating ulitin ang isang araling naibagsak at maaring kumuha ulit.

Si Jeff, isang estudyante sa chemistry, ay nagkwento tungkol sa kaniyang pagsusulit sa biochemical engineering, sinabi nyang sa buong semester siya ay walang pokus sa paksang ito at patuloy na nagbibigay lamang ng konting atensyon para dito, at bilang resulta nito kakaunti lamang ang natutunan nya tungkol sa paksang ito. Siya ay nag-alala at problemado at naisip nya na kapag hindi niya naipasa ito uulitin na naman niya ito sa susunod na semester, na siyang ayaw niya mangyari at wala rin siyang kakayahang magbayad pa muli. Sa pamamagitan ng pagpopokus ng buo niyang atensyon para sa limitado nyang alam tungkol sa araling ito, nagawa niyang ibigay ang makakaya at naipasa niya ito, kung ikukumpara sa araling ito, siya ay magaling naman sa matematika. Alam niya ng buong buo ang araling matematika at tiwala na papasa siya nang may mataas na marka.

Sa unibersidad, ang mga estudyante ay karaniwang binibigyan ng labing limang minute para basahin ang papel para sa pagsusulit bago sila pahintulutang sumulat. Minsan si Jeff ay babasahin ito sa loob ng unang limang minute at gagamitin ang natitirang sampung minuto sa pag-abala sa kanyang sarili, gaya ng pagtingin tingin kung nasaan ang kaniyang mga kaibigan at paglingon lingon sa paligid. Kung saan saan nakatingin ang mata niya sa loob ng kwarto ng pagsusulit. Sa puntong ito ang sakuna ay maaring umatake, kapag hinahayaan natin ang ating mga sarili na mawala sa pokus.

Higit pa rito, napag-alaman ni jeff na siya ay hindi nagpokus sa mga paksang hindi niya gusto o mga paksang inaakala niyang hindi nya kakailanganin para sa kaniyang karera. At ito ngayon ay nagresulta sa panganib na maari niyang ibagsak ang mga araling iyon. At sa kasong iyon kailangan kaagad gumawa ng paraan o makahanap ng dahilan upang muling maging interesado sa mga ito ay muling makapagpokus.

May panganib rin na kung tayo ay marami ng nalalaman tungkol sa isang paksa o situwasyon, hindi na tayo nagpopokus ng mas matindi sapagkat tayo ay komportable na alam na natin ito. Hindi natin nararamdaman na may pangamba sapagkat kampante na tayo sa ating nalalaman. Kailangan tayo ang gumawa ng dahilan para tayo ay bumalik sa pokus. Hindi natin dapat hayaan ang ating sarili na mahulog sa isang bitag na ang alam natin ay pangkaraniwan lamang.

Si Debra, isang occupational therapist sa isang psychiatric hospital, ay nagkwento tungkol sa kung paanong ang trabaho niya ay mahalaga sa mga taong nangangailangan ng tulong para malampasan ang kanilang mga kapansanan.

Nakahanap siya ng tatlong aktibidad na partikular na nagbibgay benepisyo sa mga taong nahihirapan dahil sa schizophrenia isang uri ng sakit sa pag-iisip. Ang Tai Chi, pagamit ng kompyuter, at ang isang teknik sa paguhit na gumagamit ng kanang bahagi ng utak ay nagpakita ng paghaba ng atensyon sa ilang tao. Ang prinsipyong ginagamit sa tatlong aktibidad na ito ay may magkakamukang elemento na nagbibigay ng positibong resulta, habang siya at ang iba pa ay nakaranas ng hirap sa pagsasagawa ng ibang aktibidad na sinubukan nila. Sa yugtong ito, si Debra ay patuloy na naghahanap ng kamukhang elemento; na magbibigay din ng positibong resulta.

Ang Tai chi at ang teknik sa paguhit ay parehas na higit na gumagamit ng kanang bahagi ng utak, habang ang paggamit ng kompyuter ay lohikal na pagamit ng kaliwang bahagi ng utak. Ang elementong pinagsasaluhan ng mga aktibidad na ito na tinukoy ni Debra ay dahil ang tinatawag na patterns ay mahalaga sa bawat isa, ang patterns ay ang paraan kung paano ang pangyayari o bagay ay isinasaayos. Ang bawat hakbang sa kanilang aktibidad ay may kinalaman sa bawat isa, ang bawat hakbang na ginawa sa una ay konektado sa mga susunod pa.

Ang mamumungkahi ko ay sa pamamagitan ng pagsasama ng kanan at kaliwa nating bahagi ng utak, ay makakagawa ng kabuuan ng ating pagkatao na kung saan makakapasok tayo sa isang estadong mapayapa at may balanse habang tayo ay may kapayapaan sa ating sarili, na makakaya nating tagalan ang mga aktibidad sa mas mahabang oras at sa mas kaunting stress. Ito ay makakatulong para tayo ay makapagpokus ng buong buo sa aktibidad na ating ginagawa. At ang resulta ang kakayahan nating mapanatili at mamemorya ang mga inpormasyon ay mas tumataas dahil ito ay madali na para sa atin nag kakaroon din tayo ng mataas na kapasidad upang makatanda, tayo ay patuloy na magiging masaya sa ating aktibidad habang natututo.

Ang Yin at Yang: Ang balanse

Ang abala at konsentrasyon ay mga natural na elemento, gaya ng Yin at Yang, at gaya nila dapat tayo ay maging balanse upang maging pokus. Habang ako ay yumuko upang wasakin ang patong patong na tabla, kung ako ay masyadong Yang (matigas, mahigpit, banat) ang pagwasak ay hindi magiging matagumpay. Kung sobra naman ako sa Yin, masyado akong magiging mahinhin, mahina at maluwag. Ang magaling na pagamit ng balanse ng Yin at Yang ang nagsasabi ng abilidad natin upang maging matagumpay.

Ang totoo nito, habang ikaw ay pokus, ang iyong malay tao ay nawawala, hindi mo na namamalayan na ikaw ay gumagamit ng konsentrasyon. Nagiging parte ka na ng pagsisikap, maging pagwasak, pag-iisip, pagkanta, pagtakbo o pagsusulat. Nararamdaman mo ito sa lahat ng sulok, makakaya mong gamitin ang lahat ng iyong pandama ng sabay sabay, magiging kaisa ka ng iyong ginawa.

Kapag sobra kang nagsisikap ang pagsisikap na iyon ay maaring maging limitado. Ang isang Kung Fu master at maestro na si Steeve Kiat, isang mataas na lebel na atleta, ay nagpaliwanag na kapag tayo ay sobrang nakatuon na maperpekto ang sandali, ang kaniyang galaw ay hindi natural na aagos. Siya ay magdurusa sa pananakit at paninigas ng kanyang mga kasukasuan na makakaapekto sa kalidad ng kanyang pagganap. Kapag nakikita nya ang kaniyang sarili na nagagawa ng tama ang kanyang galaw sa mata ng kanyang isipan, at ginawa ang kanyang pagganap ng siya ay nasa pinakamahinahon na estado, ang isang tiyak na mahika ay mangyayari.

Bilang resulta ng ating modernong pamumuhay, tayo ay dumuduyan-duyan sa gitna ng Yin at Yang sa sukdulang pag-uugali, tayo ay patag sa isang sandali at tayo ay magiging parang gulay nalanta sa susunod. Minsan sobrang haba ng ating pagiging lanta dahil sa labis na karga ng ating mga isipan, katawan at mga pandama sa puntong tayo ay pagod na pagod, at tayo ay mahihirapan na makaya pa ang mga susunod. Ang mga bagay ay nangyayari ng sobrang bilis na ang ating mata at tenga ay nakakaranas na ng hirap upang mangalap at tumanggap ng inpormasyon upang ilaman sa ating utak.

May mga oras na nagbibigay tayo ng sobrang liit na inpormasyon at pampasigla ang kakulangan ng nito ay nagpapamanhid sa ating mga utak. Ito ay bumabagal at lumilipat sa moda kung saan ito ay naghihintay lamang magamit at malagyan ng mas maraming inpormasyon. Habang may tiyak na panganib at pag-aaksaya habang ang utak ay nasa ganitong moda, may mga pagkakataon na ang pagtigil na ito ng ating utak ay kinakailangan upang tayo ay makapag muni muni at makapagrelax. Ang Yin at Yang ay nararapat na bumuo sa isa’t isa, sapagkat sila ay parte ng pag-iral ng bawat isa. Ang balanse ang susi.

Ang pagkakaroon ng boluntaryong atensyon at kontrol (Yang) ay tumutulong maialis ang mga gambala (Yin). Sa kundisyong iisa lamang ang ating iniisip, ang atensyon ay hindi nahahati sa magkakaibang inpormasyon o gawain. Iisang bagay ang nagagawa sa isang sandali. Kapag ito ay natapos, tsaka tayo uusad sa susunod. Mas mahusay at epektibo tayo kapag tayo ay nakatuon sa iisang bagay. Ang isang matinding konsentrasyon at atensyon sa iisang bagay ay natural na nagpapahirap sa pag asinta ng iba pang bagay. Ito ang kalikasan ng pagtuon sa iisang bagay, ito rin ay nakakapigil ng abala. Gaya ng Yin at Yang, ang mga abala o istorbo ay magpapatuloy na maging bahagi ng ating buhay, hinihimok kita na hanapin mo ang iyong daan, tanungin ang iyong sarili, tumuklas at lumikha ng natural na kapaligiran na makakatulong sa iyo upang maging kompletong masangkot at lubos na nakapokus sa iyong tungkulin. Sa paraang ito mapapanatili mo ang iyong balanse.

Ang pag-iwas sa mga nakakagambala

Habang ang mga iniisip ay lumilitaw at nawawala, ang pagpopokus sa kasalukuyang sandali, ang nandito at ang ngayon, ay isang paraan para kontrolin ang mga nakakagambala sa ating iniisip. Sa isang manlalaro ng golf iniisip na nya ang susunod na paghampas sa bola, sa isang martial artist ang kanyang paghinga at sa isang salesman ay isang tagabili. Ang pagsupil sa pisikal, mental at emosyonal na tension ay nakakatulong din.

Ang dalawang paraan para maiwasan natin ang abala ay ang pisikal na pagtatanggal ng mga bagay na nakakaistorbo sa atin at matutunan ito alisin gamit ang isip, sapagkat ito ay mas mabisa. Ang mga pagsasanay na narito sa aklat ay ang mga paraan para gamitin ang ating isipan.

Para matulungan kayong alisin sa isipan ninyo ang mga istorbo, ang dalawang teknik sa meditasyon ay maaring gamitin ng nakaupo at gumagalaw.

Para sa teknik na nakaupo, gawing komportable ang inyong sarili sa upuan o sa sahig. Maaring gamitin para ipokus ang isang simbolo, bagay, tunog, himig, o maging ang sarili nyong paghinga. Habang nagpopokus, ang inyong isipan at pakiramdam ay ilalapat lamang sa isang partikular na bagay. At payagang ang buong isipan mo ay hindi mag alala sa ibang mga bagay gaya ng mga bayarin, pag-aasawa, o problema sa trabaho. Ito ay nagbibigay ginhawa mula sa araw-araw na problema.

Ang meditasyon na gumagalaw ay nakikita na natin mula sa aktibidad na gaya ng Tai Chi, Kung Fu, pagpipinta at ballet. Habang nageehersiyo, halimbawa, ang sobrang konsentrasyon at enerhiya ay kinakailangan para ang iyong katawan ay gumana sa paraang gusto mo at hindi ka dapat mag-aalala sa mga bagay na gaya ng iyong plantsahin na naiwan mo sa bahay. Imbes na ang meditasyon nang nakaupo ang iyong gamitin, ang mga pangangailangan ng iyong katawan at isipan ay ang mga angkla na nagpapalaya sa iyo sa ano pa mang bagay.

Ang iba pang teknik at pagsasanay na ituturo sa aklat na ito ay makakatulong din kung paano mapipigilan ang mga abala. Ang mga pagsasanay na ito ay nagbibigay ng mas malakas na pag-iisip, at ginagawang mas matibay ang isip laban sa mga nakakagambala at nagbibigay ng abilidad na tangalin lahat ito at makapapokus ayon sa iyong kagustuhan.

Ang ibang teknik ay kagaya rin nang ginagamit sa intensyonal na pagpopokus. Kapag naranasan mo na ang pakiramdam ng nakukuha mo na ang gusto mo gamit ang mga teknik na ito, lalakas ang abilidad mong salain ang mga paparating na impormasyon upang ialis ka sa mga bagay na nakakaabala. Kahit na madali lamang matutunan at gawin ang mga teknik na ito, ang pagiging maestro dito ay nangangailangan ng regular at masigasig pagsasanay.

Hindi natin matatamo ang kahit anong maganda sa ating buhay hanggat tayo ay aktibong nagpopokus. Tayo ang nagtatakda ng ating mga layunin, at tayo ay nangangailangang magpokus sa mga hakbang na magdadala sa atin upang makamit ang mga layunin. Ipalagay mo kung ano ang mangyayari sa iyo at sa buong mundo kung lahat tayo ay hindi nakakapagpokus. Isipin mo rin kung gaano kabuti sa mundo kung tayong lahat ay nakakapagpokus ng epektibo.

Mga paraan para mapigilan ang pagkagambala

Tanggapin na ang abala ay natural na bahagi nga ating buhay. Maaring sila ay nakakainis o paraan para magkaroon ng sandaling ginhawa.

Intindihin ang iyong sarili; kung paano ka mas makakapagtrabaho ng mahusay, mag-aral at maglaro.

Gawin ang iyong aktibidad sa kapaligirang mas komportable sa iyo; tanggalin ang mga makakaabala sa labas o kontrolin ang mga nakakaabala sa loob gaya ng mga iniisip, emosyon at pakiramdam.

Subukan ang mga kusang mungkahi gaya ng “Ako ay interesado lamang sa isang bagay sa sandaling ito”.

Gamitin ang pagpopokus sa iisang bagay; ibigay ang lubusang atensyon sa iisang bagay sa isang sandali huwag hatiin ang iyong atensyon.

Kabanata 3

Ang kahalagahan ng determinasyon
“isaisip mo na malayo ang iyong mararating”

Iniisip ko kung ang mga kabataan ngayon ay maaring pintasan sa pagkawala ng determinasyong mabuhay, upang magtagumpay at makamit ang layunin. Gayunman, naniniwala ako na ang mga problemang kinakaharap nila ngayon ay dahil sa kanilang mga magulang.

Ang tagapagtatag ng Youth in Search, ay malinaw na isinaad na ilang dahilan, ay maisisisi sa mga magulang na nagbibigay ng maliit o walang pag-ibig at pag-aalaga sa kanilang mga anak. Tinutukoy nila ang mga batang, nasaktan sa buhay, at wala nang determinasyong ituloy ang kanilang buhay. Marahil ang pakikipagsabayan sa kultura mula sa kanluran ay nagpapatigas sa puso ng ilang tao.

Habang ang Australia, ay minsang binansagang maswerteng bansa, ay kasalukuyang humaharap sa napakataas na bilang ng mga kabataang nagpapakamatay sa buong mundo, nakikita natin ang mga kabataang may malubhang pinsala at nagdurusa sa iba’t ibang problema gaya ng paghihiwalay ng pamilya, pressure, pagkalito, kawalan ng direksyon o pagsasawalang bahala sa halaga ng buhay. Ang nakakabahala pa ang mga nasaksihan ko sa komunidad, ang mga kabataang hindi alam kung ano ang hinahanap nila sa buhay. Ang pagtaas ng pagpapakamatay na ito ng mga kabataan, kawalan ng trabaho at kahirapan sa buong mundo, nagpapakita ito na tayo ay alipin ng kaginhawahan ng modernong pamumuhay at hindi na natin naturuan ang ating mga sarili kung paano gamitin ang mga ito para sa ating kapakanan. At ang resulta nito ay ang kawalan natin ng determinasyon, katatagan at paninindigan. Ang mga panloob na katangian at kapangyarihan, kaakibat ng kawalan ng malinaw na pag-iisip at karunungan, ay hindi nagpapalakas ng ating kagustuhang gawin ang kahit ano para lang magtagumpay at hindi ako susuko.

Ang paglikha ng mahusay na pagamit ng determinasyon

Kailangan nating pahusayin ang ating determinasyon at palakasin ito ng sapat upang magsilbi sa atin sa ano mang hamon ng buhay, maging ito man ay pagpapaganda ng kalusugan, para makatulong sa paghahanap ng trabaho o maging ang pag-akyat sa pinakamataas na bundok sa buong mundo. Ang mga aktibidad na magbibigay sa atin ng malakas na determinasyon ay ang ang mismong pinili natin. Sa pagpili ng isang positibong bagay, tayo ay mas nagkakaroon ng mahusay na kaugalian. Habang ang tatag ng determinasyon ay mahalaga, gayon din ang mahusay na pagamit nito. Kaysa ang hayaan natin ang ating bugso ng damdamin at kagustuhang mangyari na lamang ang mga bagay bagay, maari nating mahusay na gamitin ang ating determinasyon para mangyari ang mga ito. Ang pwersa ng determinasyon ay isang malaking tagapagbigay ng kapangyarihan sa pagpopokus. Ang ating determinasyon ay maaring lumakas sa pamamagitan ng simpleng pamumuhay. Ang simplisidad ng panloob at panlabas na buhay, maging ang pagpapalakas ng panloob na kapangyarihan ng pagsisikap, konsentrasyon, buong pagpopokus at layunin, ay magiging pangontra sa ating modernong pamumuhay na sumisira sa ating determinasyon. Kahit na nangangailangan din tayo ng ilang dami ng pressure at stress, lakasan lamang natin ang ating determinasyon para sa ibang tao at tulungan natin silang manatiling nabubuhay. Ang ibang tao ay labis na naapektohan ng sobrang stress at pressure, maging ang sobrang bilis ng maginhawang pamumuhay, lahat ng ito ay nakakapagpababa ng ating pisikal at mental na kalusugan at dumadagdag sa ating kawalan ng kakayahang magpokus. Ang prinsipiyo ng mga Taoist ng “simplisidad” ay kunumpirma ni Assagioli, na nagsulat na ang buhay ay maaring gawing simple sa pamamagitan ng pagpipigil sa atraksyon ng modernong mundo at ang pagmamadali nitong makisabay, maalis at maiiwasan ang mga hindi naman kinakailangang komplikasyon, sa pamamagitan ng aktibong pag-sali sa mga relaxation at pagiging malapit sa kalikasan. Ang simplisidad ay ang pagsuko sa mga bagay, gawain o aktibidad na hindi naman kinakailangan. Kapag nagawa mo ito, ang isang pakiramdam ng muling pagkabuhay ay mararanasan.

Upang magamit mo ang kapangyarihan ng determinasyon, kailangan nating malaman na ito ay umiiral sa bawat isa sa atin, upang magamit kapag kinakailangan. Kapag tayo ay nagsanay at gumamit nito, tayo ay magkakaroon ng malalim na relasyon sa kaibuturan ng ating katauhan. Sa puntong ito ang tagumpay ay mahahantungan.

Para matulungan kang matapos ang layunin mo sa buhay, hayaan mong ang iyong kalooban ang mismong magdesisyon sa kung anong dapat gawin. Ang pagkontrol mo sa iyong kalooban ay katulad ng pakikipagkasundo na gawin ang mga bagay na kinakailangan para matapos ang trabaho. Ang ibig sabihin nito ay ang pagtiyatiyaga sa tungkulin kahit na kaharapin natin ang mga hadlang at pagsubok. Hindi mahirap na turuan ang iyong kalooban, kahit na minsan may kakulangan ka sa determinasyon. Ang ating ambisyon at dangal ay tutulong sa atin upang lumakas ang kakaunting enerhiyang mayroon tayo. Ngayon ito ang mga itatanong ko sa iyo:

Madali ka bang sumuko?
Gumagawa ka ba ng opportunidad para sa sarili mo at sa mga nakapaligid sayo para mapalakas ang iyong determinasyon?

Pinapadali mo ba ang mga bagay para sa ibang tao? O dapat sila ang tumuklas para sa sarili nila?

Masyado ka bang nakikibagay sa mga pangyayari at masyadong maraming pagpipilian ang nagpapahina sa iyong determinasyon?

May kakayahan ka bang magtiis at magtagumpay sa mga bagay na iyong gusto sa buhay?

Mga pagsasanay para buuin ang iyong determinasyon

Maraming mga simpleng pagsasanay o laro na maaring isama sa ating pang araw-araw na buhay upang makabuo ng determinasyon. Minsan magandang gawin ang mga bagay na hindi natin gustong gawin, gaya ng pag-eehersisyo, pagbabawas ng pagkain, pagtatanim ng halaman o paglilinis. Mas nakakakuha tayo ng mas magandang benepisyo kapag partikular nating hindi gusto gawin ang isang tungkulin. Mas magiging masaya ka sa paggawa ng mga ito kapag inisip mo na ginagawa mo ito para palakasin ang iyong determinasyon. Ang patuloy na pag-gamit sa ating determinasyon ay lalong nagpapatatag nito. At humihina naman ito kapag napapabayaan.

Ang pagsunod sa mga simpleng pagsasanay ay nakakatulong na buuin ang iyong karakter at tiyaga, maging ang lakas ng iyong determinasyon. Maari kang gumawa ng sarili mong pagsasanay. Gawin mo itong simple at madali. Mas madali mas mabuti, hindi ito dapat maliitin sapagkat ito ay magbibigay ng benepisyo sa iyong kalooban at kalusugan.

Maglaan ng oras araw araw upang magsagawa ng aktibong ehersisyo sa paghinga upang palakasin ang iyong kalooban at magkaroon na din nang benepisyo sa iyong immune system. Huminga sa bilang na tatlo, pigilan ito sa loob ng labing dalawang segundo at ilabas ito sa loob ng anim na segunda. Ulitin ito ng maraming beses hanggat makakaya. Huminto kung nakakaramdam ng pagkahilo.

Pumorma nang parang sasakay sa kabayo, ilagay ang iyong kamay sa iyong balakang. Panatilihing derecho ang iyong likod at ulo. Ipikit ang mata kung kinakailangan at magmedidate. Orasan ang iyong sarili at habaan ang durasyon nito bawat araw. Ito ay magpapalakas ng iyong muscle sa hita at sa balakang, magbibigay ito ng pisikal na lakas sa iyong binti at makakatulong ito sa pagharap mo sa mga pagsubok.

Ilagay ang iyong mga paa kapantay ng iyong balikat, ibaluktot nang kaunti ang iyong tuhod. Itaasa ang palad ng isang kamay kapantay ng iyong baba. Irelax ang iyong balikat. Hanapin ang Lao Gong point sa gitna ng iyong palad at ipokus ang lahat ng iyong konsentrasyon ito. Makakaramdam ka ng init at nakakakiliting pakiramdam sa iyong palad. Orasan ang iyong sarili at habaan ang bawat sesyon. Ang pagsasanay na ito ay tumatawag sa enerhiya ng Chi upang dumaloy sa iyong mga dulo ng daliri.

Maglagay ng nakasinding kandila sa kapantay ng iyong mata, ilagay ang konsentrasyon dito. Tignan kung gaano mo kayang ilagay ang iyong konsentrasyon sa kandila nang hindi naabala. Orasan ang sarili sa bawat sesyon. Maari kang umupo habang ginagawa ang pagsasanay na ito.

Lumakad papunta sa tindahan imbes na gumamit ng sasakyan. Buhatin mo ang mga pinamili mo pauwi sa bahay. Harapin mo ang ano mang hirap na mararanasan, ito ay magpapatatag sa iyong kalooban. Magugulat ka na kaya mo pala gawin ang maraming bagay higit pa sa dami nang iyong pinamili.

Iwasan ang tsaa, kape at softdrinks sa isang buong araw. Palitan ito ng tubig na puro o herbal tea, lalo na sa mga may karamdaman o sakit na dinadamdam.

Iwasang kumain ng karne sa loob ng isang araw. Palitan ito ng gulay at dahan dahang damihan ang mga araw na hindi kumakain ng karne.

Nguyain ang kinakain nang halos 26 na beses hanggang ito ay maging likido sa iyong bibig.

Mula ngayon magsit-ups ng hindi bababa sa 100 bawat araw upang patatagin ang muscle sa iyong tiyan. Kung kinakailangan hatiin mo ito sa limang sesyon na tig 20.

Mula ngayon sumali sa isang programa ng ehersisyo na tatagal ng 30 minuto araw-araw.

Habang isinasagawa ang mga pagsasanay na ito, natuklasan ko na ang ligaya ay hindi ang pagtapos sa mga ito kundi ang pagdiskubre sa aking lakas at kahinaan. Ang saya ng may nakakamit at ang pakiramdam nang mas lumalakas. Nalaman ko ang aking lakas nang kalooban sa pamamagitan ng pagpapakahirap sa mga pagsubok gaya ng pisikal na paghihirap at emosyonal na reaksyon. Minsan ang pakikiharap sa mga pwersang kumokontra sa atin ay ang mismong aral na matutunan natin. Ang pagbubuhat nang mabibigat na pinamili pauwi ng bahay ay ang tunay na pagsubok para sa akin. Natutunan ko na maraming pera ang aking inuubos sa mga bagay na hindi ko naman talaga kailangan at mabubuhay naman ako nang wala ang mga ito. Sa pisikal at mental na pagsisikap na kinailangan, may mga sandaling pakiramdam ko ay hindi na ako makakaalis pa, at ako’y susuko na. Sa sandaling iyon isang mahika ang lumitaw na parang dinala ang katawan ko sa ibang lugar at may lumabas na kapangyarihan mula sa kaloob looban ng aking sarili na muling nagpuno ng aking lakas at bumuhay sa nawalang enerhiya mula sa akin. Parang ako’y nakarating na sa mas mataas na antas ng aking sarili. At pinasalamatan ko ang aking determinasyon. Ang iluminasyong ito ay nagbigay sa akin ng panibagong pakiramdam ng kumpiyansa, lakas, seguridad at kaligayahan sa mas malakas na pakiramdam, at kabuuan, na nagdudugtong sa akin at sa nasa loob ng aking sarili.

Sa mas malakas at makapangyarihang determinasyon at kakayahan, mas naramdaman kong ako’y buhay, mas masigla, mas malakas upang magdala ng positibong pagbabago na magbibigay benepisyo sa aking sarili at sa iba. Ang pagiging maestro ng aking sarili, maari rin mangyari sa iyo ito. Ang pagkontrol sa kakayahang magdisiplina at magsanay. Kailangan mo lang ng lakas ng loob, enerhiya at pagsisikap upang ito ay umepekto sa pinakamalakas na antas na magbibigay ng kapangyarihan, saya, at katiyakan.

Ang malakas na loob at determinasyon ay kailangan sa atensyon na may pagpopokus. Gamitin ang kapangyarihan ng iyong determinasyon upang dalhin ka sa iyong pangarap, at layunin. Lagyan mo ng puso at apoy ang kagustuhan ng iyong kalooban at gamitin mo ito.

Kabanata 4

Ang pormula ng pagpopokus ay maaring gamitin sa pangkalahatan, anoman ang kalagayan mo sa buhay, situwasyon o trabaho. Ito ay tutulong sa iyo upang magamit ang intentional focus nang mahusay at palawakin pa ang iyong personal na kapangyarihan at husay. Ito ay susi ng superfocusing.

Kahit na tayo ay kailangang magpokus sa iba’t ibang gawain, iisang pormula lamang ang ating gagamitin. Isipin mo kung iba’t ibang pokus ang kailangan mong gamitin sa bawat gawain, siguradong mawawala ka sa iyong pokus. Upang maging matagumpay gamitin mo ang parehas na pormula kapat ikaw ay nagpopokus. Ito ay ang pormulang magagamit mo nang madali sa anumang oras.

Ang buong relaksasyon, layunin, ang pagsesentro, ang kaisahan ng isip, katawan at espirito at ang pagtingin sa mata ng iyong isipan. Iyan ang mga sangkap na kailangan mo maintindihan upang magawa mo ang buong pormula ng pagpopokus. Habang ginagawa ang aklat na ito natuklasan ko na ang karunungan mula sa nakatagong katalinuhan ay kailangan sa ating henerasyon; ito ay magmumula sa pwersa galing sa mataas na antas nang ating sarili. Nilalaman nito ang mga mensaheng kailangan natin ngayon. Mas epektibo at produktibo upang makamtan ang tagumpay.

Kabanata 5

Ang buong relaksasyon

Kung naramdaman mo lamang ang kapayapaan nang isang beses, ito ay pagyayamanin mo habang buhay.

ibaba ang antas ng pressure

Upang magkaroon ng konsentrasyon at pokus nang mabisa, kailangan kang maging relaxed. Ibig sabihin, ang pinaka mahalagang bahagi ng pagpopokus ay ang buong relaksasyon.

Ang buong relaksasyon ay ang buong katahimikan nang iyong isip at katawan ito ay para mabuhay at malinis muli ang ating mga sarili. Ito ay kailangan para sa kompletong pagpopokus. Imbes na sayangin ang enerhiya sa tensyon, maari natin ito idirekta sa mas maayos na lugar upang palakasin ang ating husay at palakihin ang ating tagumpay.

Ang isang atleta na puno ang isipan tungkol sa kaniyang makakalaban ay maaring hindi na makapagpokus sa sarili niyang pagsasanay; ang isang estudyanteng problemado sa kanyang pagsusulit ay maaring mahirapan lalo sa pagsagot nito at gumanap ng mahusay; ang isang manggawa na sumasailalim sa sunod sunod na pressure sa trabaho ay maaring mabawasan lalo ang galing sa paggawa.

Upang tayo ay makagawa nang mahusay, kailangan magpahinga din tayo nang mahusay. Ang pagtatrabaho nang sobrang pagod ay hindi mainam sa trabahador, nagbibigay lang ito ng init ng ulo sa pakikitungo nya sa mga katrabaho, at bumababa lamang ang kalidad ng husay sa kanyang ginagawa. Kapag siya ay umuwi na sa bahay, siya ay mas nagiging irritable sa kanyang pamilya. Hindi makatulog nang maayos sa gabi at sa kinabukasan mas mararamdaman niyang siya ay mas pagod na pagod. Kasunod nito hihina ang depensa niya laban sa sakit, ang kumpanya ay mapeperwisyo at siya rin dahil kailangan niya ng mahal na halaga upang magpagamot sa doctor. Ang resulta ay ang dagdag na trabaho nauwi rin sa kawalan ng produksyon imbes na makadagdag sa pakinabang.

Ang sobrang pagtatrabaho na tinatawag na rin nakaugaliang pagtatrabaho na lagpas na sa kakayahan mong makarecover sa mga oras nang iyong pahinga at ito ay malaking panganib sa lipunan. Ang maayos na pagtulog ay hindi lamang ang solusyon, ang pagpapalaya nang iyong isipan at katawan sa trabahong naghihintay sa labas ay kinakailangan. Kahit na ang pagsobra sa trabaho minsan ay nagpapalakas ng karakter, ang pagiging matatag at pagkakaroong ng commitment sa mas mahabang panahon ay mas matalinong desisyon.

Ang katawang relax ay nagdudulot ng relax na isipan. Ang pagod na katawan ay nakakaapekto sa isipan, at ang sarado at makipot na pag-iisip ay nakakapekto rin sa katawan. Ang tensyon sa isip at katawan ay maaring alam natin, ngunit mas delikado kung hindi natin alam na nangyayari na pala sa atin at tayo ay naapektohan na nito.

Ang mental na tensyon ay nagdudulot ng pagkabalisa, kawalan ng konsentrasyon, kakulangan ng kumpiyansa, at pagdududa sa sarili. Ang pisikal na tensyon ay pumipigil sa pag-galaw ng mga muscles, nagdudulot ng paninigas at pananakit ng kasukasuan, ang emosyonal na tensyon gaya ng pagkabigo o galit ay magdudulot ng matigas at hindi sumusunod na pag-iisip. Lahat nang ito ay nagpapahina sa sirkulasyon ng ating dugo at sa enerhiya ng Chi, ang sobrang pagod ay nagbibigay daan sa mga karamdaman upang pumasok sa ating katawan gaya ng depresyon, mataas na presyon ng dugo, at rayuma. Ang resulta mas maraming oras ang kailangan natin para gumawa ng simpleng gawain, pagkaubos ng reserbang lakas, kalusugan at pagkatao.

Ang malusog na produksyon maging ang personal at tagumpay ng mundo ay hindi makakamtan hanggat wala tayong malusog na isip at katawan na mayroon dapat sa isang indibiduwal.

Ang pagiging buo ang relaksasyon ay nagbibigay daan upang ang ating potensyal ay mas lumabas, at makamit ang mga bagay sa mas maikling oras. Ang mga resultang ito ay nakakamit nang mga kasali sa ating Dtef training programs sa pagsasagawa ng superfocusing:

-Positibo, hindi madaling masiraan ng loob at masayang pakiramdam.

-Ang pagkakaroon ng kontrol, kapayaapaan at pagiging kalmado.

-Sigla, determinasyon, motibasyon, sigasig at linaw ng isipan.

-Pagtaas ng produksiyon at pagiging malikhain.

-kakayahang alamin at solusyunan ang problema.

-Pagiging masaya sa buhay at balanse sa gitna ng pressure sa trabaho at buhay pamilya.

Sa pagkukumpara ng kanluran at silangan pagdating sa pamamaraan na kanilang sinusunod, hindi ko layuning manirang puri sa kanluraning pamamaraan. Ang mga teknik nila ay ginagamit rin ngayon kahalo ng siyentipikong karunungan ng kanluran at ang malawak na pagsasaliksik ng mga sinaunang taga silanganan. Ang parehong modernong pamamaraan ng kanluran at silangan ay parehong may pakinabang.

Ang pamamaraang ginagamit sa kanluran

Ang kaalaman nang mga taga-kanluran ay tradisyon nang humaharap sa mental at pisikal na relaksasyon bilang hiwalay at isang naiibang aktibidad, ang bawat isa rito ay nabibigay ng kani-kaniyang benepisyo. Habang may maganda tayong dahilan para dito, may mga kapintasan parin tayong makikita rito.

Ang pag-aalis ng mental na tensyon ay maaring makuhang benepisyo mula sa pagbabasa ng libro, ngunit depende kung anong klase ng libro. Ang isang nakakatakot na babasahin ay hindi nakakarelax basahin para sa isipan kung tayo ay maghahanda para sa isang eksaminasyon. Habang ang isang nakakaaliw na nobela ay maaring magbigay ng magandang pakiramdam at makapagparelax, ang pagbabasa habang napapabayaan na ang ating katawan ay maaring magbigay ng hindi magandang epekto.

Karamihan sa publiko ay naglalabas ng pisikal na tensyon sa pamamagitan ng pagpunta sa isang gym. Sa mga may sobrang timbang mas gusto nilang lumabas at ilakad ang kanilang alagang aso. Maliit lamang ang nagagawa natin para sa pagrerelax ng ating emosyon.

Ang balanse ay kinakailangan. Kung pipiliin nating magbasa na lamang ng libro para marelax, napapabayaan natin ang ating muscles at mga buto ang nagkakaroon ng kakulangan sa pisikal na kalusugan at ang buong katawan ay magdurusa sa mahinang sirkulasyon ng dugo at oxygen papunta sa ating mga tissues. Sa kabilang banda, ang pag eehersisyo gamit ng mga weights ay nakakaalis ng pisikal na tensyon, ngunit kapag tayo ay pagod na sa buong araw na trabaho at daragdagan mo pa nito, ito rin ay hindi makakatulong. Ang alcohol at drugs ay isang uri ng pag-aabuso sa pisikal at mental nating kalusugan kung ito ang gagamitin natin pang-alis ng tensyon.

Hindi lamang ang mga paraang ito ang humaharap sa tensyon ngunit sila din ay parehong ekslusibo, maaring sila ay nakakaubos ng oras at delikado rin sa kalusugan. At sa pag-gamit ng pamamaraang ito, kailangan mo ng tatlong magkakahiwalay na aktibidad, para sa iyong isip, katawan, at emosyon. Ngunit may isa pa, mas mahusay at pangkabuuang paraan na ginagamit na sa higit pa sa tatlong libong taon.

Ang pamamaraan ng silangan

Ang kultura ng silangan ay ang laging pagsasagawa ng aktbong teknik ng relaksasyon, ito ay tuloy tuloy na napaliligiran ng kaharian ng isip, katawan, emosyon at espirito. Ang pagkakaugnayan sa pagitan ng mga kahariang ito ay dumedepende sa isa’t isa. Ang bawat kaharian ay may sariling paraan ng kanyang pagkatao, habang direkta itong umaasa sa estado ng iba upang gumana ng sapat. Ang bawat kaharian ay iniimpluwensyahan ng direkta ng iba pa; ito ay ang apat na sulok na hindi maaring paghiwalayin.

Higit pa rito, ang paraan ng pagrerelax ng silanganan ay nagsasanay sa isip at katawan upang marelax sa ilalalim ng sarili mong pag-uutos, at kakayahan. Ang mas sanay na gumagawa nito ay kayang biglang lumipat sa napakalalim na estado ng relaksasyon, at kaya rin niyang ilipat ang estadong ito sa mas malakas na konsentrasyon at pagpapalabas ng enerhiya. Ito ang mga katangian ng supernatural na kakayahan na ikinubli sa sining ng silangan, bagamat ang supernatural na bagay tungkol dito ay ang pagsisikap at pagkakaiba ng pang-unawa sa realidad.

Sinasabing ang malalim na relaksasyon ay ang nagpapalakas ng ating pagiging sensitibo, at ito ang nagbibigay kakayahan sa atin upang matukoy ng eksakto ang paglipat ng enerhiya. Tumutulong itong pagaanin ang iyong isipan, buuin muli at punuin ng enerhiya ang iyng katawan, ang mga taga-silangan ay gumagamit ng banayad ngunit makapangyarihang paraan ng aktibong relaksasyon.

Aktibong relaksasyon

Ang mga paraan ng pagrerelax na ginagamit sa kanluran ay passive o walang aktibong pagganap kumpara sa teknik ng silangan na aktibo. Ang passive relaxation ay gaya ng paglalakad kasama ng alagang aso, panonood ng telebisyon, o pagbabasa ng libro ito ay nagbibigay ng kaunting halaga sa lahat ng kaharian ng isip, katawan, emosyon at espirito, at magbibigay ng kaunting pakinabang upang mapalakas natin ang ating potensyal. Sa kabila nito, ang aktibong relaksasyon ay nagbibigay ng tiyak at masusukat na benepisyo:

-ang pagpapakawala ng mental at emosyonal na tensyon maging tensyon mula sa ating mga muscles.

-bumubuhay, nagpapasariwa at naglalagay muli sa mga nawalang lebel ng enerhiya para tayo ay makaharap muli sa ating mga tungkulin nang may bagong lakas at sigasig. Mas malaking produksyon at husay ang magiging resulta.

-pinapataas nito ang linaw ng ating isip at konsentrasyon at sinisigurong magkakaroon tayo ng kompletong pokus sa ating trabahong ginagawa. Binabawasan nito ang pagkakamali at hindi masolusyonang problema.

-inaalis nito ang pananakit na dulot nang paulit-ulit na pagawa, pressure, at tensyons sa ating mga muscles, pamamaga at kakulangan sa sirkulasyon ng dugo.

-pinapalakas din nito ang ating utak at binubuhay muli ang sobrang pagod na pag-iisip.

Ang buong relaksasyon ay tumutukoy sa benepisyong makukuha lamang sa pagsali sa aktibong teknik ng pagrerelax.

Isinama rin nila ang malalim na relaksasyon kung saan tayo ay buong buong magiging relax at namamahinga, ibig sabihin ay ang pag-aalis ng tensyon sa lahat ng ating muscles maging ang pag-aalis ng nerbyos. Ito ay para lumikha ng mapayapang emosyon, mapunta sa estado ng katahimikan at matalim na paggamit ng atensyon, handing gawin ang pinakamagaling na ating makakaya.

Ang pagsasagawa ng aktibong relaksasyon ay nagbibigay ng oportunidad upang magkaroon ng personal na oras para sa iyong sarili. Ito ay isang mahalagang oras kung saan matutuklasan mo ang pakikipag-isa sa iyong sarili nang may kapayapaan at naiibang pakiramdam nang buong relaksasyon. Ito ay kinakailangang parte upang muling buhayin ang iyong sarili, sapagkat hindi ka makakapag-pokus sa anuman kung hindi buo ang iyong pagiging relax.

Para sa mas epektibong paglaya sa tensyon, ang unang hakbang ay alamin ang eksaktong lugar kung saan naroon ang tensyon, ang parte kung saan ikaw ay naghihirap. Ang pag-gamit ng conscious relaxation o stretching techniques ay dapat sumunod upang maalis ang tensyon o pananakit ng anumang bahagi ng iyong katawan.

Ang mahinahong pagbabanat sa iyong mga kasu-kasuan ay tumutulong upang buksan ang daanan ng enerhiya sa iyong katawan at pinaparaan nito ang ang buhay na enerhiya ng Chi upang ito ay malayang makadaloy sa buong katawan. Lahat ng iyong kasukasuan ay pinapalaya. Ang dugo at oxygen ay nakakaikot ng maayos at pinapalusog nito ang bawat cell. Hahantong ito sa matibay na muscles at kasukasuan na magbibigay ng malayang pagalaw nang walang mararamdamang pananakit. Ang mga teknik upang irelax ang buong katawan ay nagbibigay ng magandang benepisyo upang magkaroon ng matatag na balanse at kapayapaan sa pagitan ng isip, katawan at emosyon.

Ang daan patungo sa mas mataas na antas ng sarili

Ang sinaunang karunungan ng Zen Buddhism ay nagtuturo na sumunggab nang maluwag, at pakawalan ito ng mahigpit, sapagkat ang estado ng buong relaksasyon ay kailangan upang malaman ang daan patungo sa mas mataas na antas ng sarili. Ito ay nakakamit sa tamang paghinga na dumudugtong sa katawan at isipan. Sa pagkakataong ito ang mga mensahe ay natatanggap, sa pamamagitan ng salita, simbolo, ala-ala, paghimok, kutob, sensasyon, larawan o emosyon.

Ang pag-guhit ng isang plano upang gumawa ng isang teknik sa pagrerelax araw-araw, na may buong detalye sa layuning gustong makamit, ay nagbibigay sa mataas na antas ng iyong sarili ng balangkas kung saan dapat magpokus. Ito ay isang paraan upang gawin at gamitin ang iyong mataas na antas ng isipan. Kapag ikaw ay nagsasanay kung paano mo aabutin ang iyong mga layunin ng malinaw sa iyong isipan araw-araw, ang iyong pag-asa at kagustuhang makamit ang mga layuning ito ay makakandado sa iyong mataas na antas ng isipan. Doon sa mga pamilyar sa pagsasaisip ng mga bagay na gusto mangyari ay alam na makukuha natin kung ano ang pinaka nanais natin. Ang pagguhit na ito ay ang araw-araw mong mapa na gagabay sa iyong buhay, upang pagdumating ang oras na kailangan natin magkaroon ng mga importanteng desisyon, ang ating mataas na antas ng sarili ay nakapagpokus na ito at siya ang gagabay sa atin upang makapunta sa bagay na pinakananais nating mangyari.

Ang pagpasok sa estado ng relaksasyon ay nagbibigay daan sa ating Higher self na gawin ang ano mang gustuhin natin. Ang pagtanggi ay humahadlang dito. Kaysa hayaan nating mahadlangan ang landas na ito at umasa nalang sa maaring mangyari, importanteng ilabas ang mga epekto ng emosyon, maging ang mga limitasyon na nilikha ng ating mga paniniwala, pang-unawa o pagtingin sa sarili, ginagapos ka nang mga ito; magdesisyon ka na alisin na ang mga ito. Ang pagpapalaya mula sa mga ito ay ang pinakamahalaga upang mapapasok natin ang mga enerhiya ng malaya sa pinakamaayos na paraan. Ang pagpapakawala ng lahat ng enerhiya ng Chi na ating nabuo ay nangangailangan ng pananampalataya at tiwala na magagandang bagay ang mangyayari sa ating buhay. Ang relaksasyon ay hinahayaan tayong bukas upang tumanggap. Hayaan ang iyong sarili na makatanggap. Ang pagpapalaya sa mga ito ay importantemg aspeto ng relaksasyon. Ito ay isang halimbawa ng isang estado ng Taoist na kung tawagin ay wu-wei. Ito ay estado kung saan nararamdaman natin ang ating sarili na may kagustuhang gumawa ng daluyan kung saan daraan ang makapangyarihang enerhiya. Ito ay paghiwalay at pagpapakawala ng ating pagkabit o pagdepende sa ating ego, puri at pag-aari, upang hindi tayo makaranas ng pagkabigo o pagkadismaya at maari natin papasukin ang tagumpay at personal na pagkakamit ng layunin. Ang pagpapalaya ay ang pagbibigay ng pagkakataon sa ating isip at katawan na maging bukas sa mga ideya na pumupunta sa ating kamalayan. Tayo ngayon ay nagiging bukas sa mga pangyayari, tao at bagay upang ito ay dumaloy papasok at palabas sa ating mga buhay. Bagamat, ang pagpapalaya ay dapat kontrolin. Ang pagpapalayang ito ay nagpaparaya sa atin na itapon ang kontrol, pagbabawal, at depensa upang mabuksan natin ang ating sarili na tumanggap at maging malikhain. Ngunit kung ang pagpapalaya ay hindi kontrolado ang maling enerhiya ay maari ring makapasok at manirahan sa atin sila ay magkakaroon ng pagkakataong gumawa ng pag-abuso at kasamaan.

Isang dahilan kaya nahihirapan ang tao na magpalaya ay dahil sa ilusyon ng seguridad. Ngunit ang katotohanan ay mayroon lamang maliit o wala talagang seguridad sa buhay. Gaya ng kalikasan, ang seguridad ay hindi permanente, ito ay nagbabago. Doon sa mga nawalan ng kanilang yaman at ari-arian maging ang lahat na, relasyon, pamilya, trabaho at inipong pera sa bangko ay maaring magpatunay dito.

Tandaan na upang malinawan ang iyong isipan, alisin ang pisikal na tesnyon at maging malaya sa mga bawal at sa pag-asa na mangyayari ang isang bagay, itigil ang pagsunod dahil sa kagustuhan at inaasahan lamang ng iba. Kailangan mong maging totoo sa iyong sarili.